Powering Education© - Etorkizuneko Orientazioa

ZERGAITIK ETORKIZUNEKO ORIENTAZIOA?

Etorkizuneko Orientazioa eta etorkizunarekiko erabakiak hartzea gazteen erronka handienetako bat da. Izan ere, prozesu hau oso estresgarria izan daiteke, eta sortzen diren zalantza guztiak direla eta, gazte asko galduta sentitu ohi dira prozesuan.

Hezkuntza zentroetan gazteek etorkizunera begira hartu ditzaketen bide ezberdinen inguruko informazioa eta aholkularitza ematen badira ere, baliabide edo denbora faltagatik batzuetan ez da erraza izaten erabaki horien aurreko prozesuan sakontzea: autoezagutzan, hain zuzen.

Gure formakuntzen helburua gazteen Etorkizuneko Orientazio prozesua aberastea da, bizitza osoan zehar erabaki hobeak hartzea errazteko.

Horretarako, autoezagutza osatzen duten elementu ezberdinak landuko ditugu; bakoitzaren gaitasun, adimen, interes zein balioen ezagutza sustatuz.

ERABAKI HOBEAK HARTZEKO ARDATZA: AUTOEZAGUTZA

HELBURUAK

Norbere autoezagutza garatzen laguntzen duten osagai ezberdinak ezagutaraztea: balioak, gaitasunak, adimenak eta interesak.
Norbere autoezagutza eta ulermena lantzeko lagungarriak diren tresnak ezagutaraztea eta erabiltzen ikastea; gazteek egunerokotasunean gaitasun hauek modu autonomoan landu ahal izateko.
Erabaki-hartze prozesua errazteko metodologia berritzaileak eta hauen erabilera ezagutaraztea.
Etokizuneko ibilbideen erabaki-hartze prozesuan sortzen diren zailtasunak eta emozioak ezagutu eta kudeatzen ikastea.
Elkarrizketa irekia eta testigantzak partekatzearen bitartez, gazteei beraien beharrak partekatzeko laguntza-espazio bat sortzea.
"Egiten ikasi" metodologian oinarrituta, parte-hartze aktiboa, hausnarketa eta esperimentazioan oinarritutako dinamikak garatzea, gazteei formakuntzaren edukiak barneratzea errazteko.

LANDUKO DIREN GAITASUNAK ETA EDUKIAK

Autoezagutzaren lanketa eta introspekzioa.
Norbere balioen identifikazioa.
Norbere gaitasun eta adimenen ezagutza eta identifikazioa.
Norbere interesak ezagutzea.
Bokazio kontzeptua lantzea.
Etorkizuneko erabaki-hartze prozesuan sortu daitezken emozioak ezagutu eta kudeatzea.
Erabaki-hartze prozesurako metodologia berritzaileen ezagutza.
Elkarrizketa irekia eta testigantzen partekatzea.

METODOLOGIA AKTIBOA

Gazteengandik gazteenganako gertutasunaren eraginkortasuna oinarri hartuta, metodologia aktiboaren bitartez, gazteei garapen-prozesu jarrai baterako jakin-mina piztu eta tresnak zabaltzea dut helburu. Formakuntzan zehar, Autoezagutza eta Adimen Emozionalaren osagai nagusiak ezagutu eta garatzeko edukiak eta tresnak partekatuko ditugu. Honetaz gain, gazteen parte-hartze aktiboa sustatuko duten dinamikak egingo ditugu.

Page updated

Google Sites

Report abuse