Powering Education© - Autoezagutza-Adimen Emozionala

ZERGAITIK AUTOEZAGUTZA ETA ADIMEN EMOZIONALA?

Autoezagutza, norbere balioak, gaitasunak eta adimenak, sinesmenak eta izaeraren ezaugarriak ezagutzean oinarritzen da. Adimen Emozionala, aldiz, norbere emozioak ezagutu, identifikatu eta kudeatzeko, zein inguruko pertsonen emozioak ezagutu, identifikatu eta kudeatzeko gaitasuna da.

Hauen lanketa gazteen garapen prozesu integrala sustatzeko ezinbestekoa da; ongizatea sustatzeaz gain, norbere burua gehiago ulertzen, egoera ezberdinak kudeatzen eta egunerokotasunean zein etorkizunerako erabakiak hartzen laguntzen dutelarik.

HELBURUAK

Norbere autoezagutza garatzen laguntzen duten osagai ezberdinak ezagutaraztea: balioak, gaitasunak eta adimenak, sinesmenak eta izaeraren ezaugarriak.
Norbere autoezagutza eta ulermena lantzeko lagungarriak diren tresnak ezagutaraztea eta erabiltzen ikastea; gazteek egunerokotasunean gaitasun hauek modu autonomoan landu ahal izateko.
Adimen Emozionalaren kontzeptua eta bere osagaiak ezagutaraztea.
Norbere zein ingurukoen emozioak ezagutu, identifikatu eta kudeatzeko tresnak ezagutaraztea eta erabiltzen ikastea; gazteek egunerokotasunean gaitasun hauek modu autonomoan landu ahal izateko.
Gazteen egoera-kudeaketa eta erabaki-hartze prozesuak hobetzeko tresnak eskaintzea, hauen ongizatea sustatzeko.
"Egiten ikasi" metodologian oinarrituta, parte-hartze aktiboa, hausnarketa eta esperimentazioan oinarritutako dinamikak garatzea, gazteei formakuntzaren edukiak barneratzea errazteko.

LANDUKO DIREN EDUKIAK ETA GAITASUNAK

Autoezagutzaren lanketa.
Norbere balioen identifikazioa.
Norbere gaitasun eta adimenen ezagutza eta identifikazioa.
Sinesmenek eta izaeraren ezaugarriek emozioetan duten inpaktua.
Emozio ezberdinen ezagutza eta identifikazioa.
Norbere zein ingurukoen emozioen kudeaketa.
Norbere buruaren hausnarketa edo introspekzioa.
Egoeren kudeaketa eta erabaki-hartzea.

METODOLOGIA AKTIBOA

Gazteengandik gazteenganako gertutasunaren eraginkortasuna oinarri hartuta, metodologia aktiboaren bitartez, gazteei garapen-prozesu jarrai baterako jakin-mina piztu eta tresnak zabaltzea dut helburu. Formakuntzan zehar, Autoezagutza eta Adimen Emozionalaren osagai nagusiak ezagutu eta garatzeko edukiak eta tresnak partekatuko ditugu. Honetaz gain, gazteen parte-hartze aktiboa sustatuko duten dinamikak egingo ditugu.

Page updated

Google Sites

Report abuse